Samfunnsviternes samepolitiske nettverk etablert

Samfunnsviterne har som formål å skape et likestilt og inkluderende samfunn, ved å tilrettelegge for et arbeidsliv som ivaretar ulike behov og som ikke diskriminerer på bakgrunn av etnisk tilhørighet.

Dette fordrer politisk vilje og juridiske rammer, men det er et stort behov for bevisstgjøring, kunnskap og ufarliggjøring.

- Samepolitisk nettverk kan være med å gi foreningen og sekretariatet den kunnskapen vi trenger for å jobbe for å bedre samenes rettigheter, ikke minst i arbeidslivet, sier Myhren.

Nettverket hadde sitt første møte 8 april, og Raimo Valle ble valgt som leder. 

- Vi vet og kan støtte oss på forskning som viser at samer opplever å bli diskriminert på arbeidsplassen. Dette er et samfunnsproblem, sier den nyvalgte lederen av samepolitisk nettverk i Samfunnsviterne, Raimo Valle.

- Diskriminering på grunn av etnisk bakgrunn skjer på arbeidsplassen, det skjer innenfor frivilligheten og det skjer innenfor akademia, understreker han.

Valle er svært glad for at Samfunnsviterne gjennom dette nettverket erkjenner at det er et samfunnsproblem og at foreningen vil belyse disse forholdene.

- Gjennom dette nettverket får vi muligheten til å sette fokus på utfordringene med mål om å redusere de negative konsekvensene dette har for individer og for samfunnet, sier Valle.

Valle tror også at nettverket kan sette fokus på samisk kompetanse og kompetanse om samiske forhold i forbindelse med karriereplanlegging og lønnsforhandlinger.

- Rent faglig, så berører det samepolitiske feltet de fleste utdanninger medlemmer av Samfunnsviterne har, så jeg ser for meg at nettverket vårt kan bidra til spennende faglige diskusjoner, som også vil være med på å styrke samfunnsviter-identiteten, sier Valle.

Samfunnsviterne har opprettet en Facebook-gruppe for samepolitisk nettverk hvor alle interesserte kan delta. Man må ikke være av samisk opprinnelse for å delta i nettverksgruppen.

---

Servodatdiehttiid sámepolitihkalaš fierpmádat lea vuođđuduvvon

Servodatdiehttiid searvvis leat ollugat beroštan barggus vuođđudit sámepolitihkalaš fierpmádaga bargan dihtii hástalusaiguin, mat laktásit sámi álbmoga identitehtii ja gullevašvuhtii bargoeallimii, ja servodahkii oppalaččat. – Danne mun lean hui ilus go Servodatdiehttiid sámepolitihkalaš fierpmádat dál lea formálalaččat vuođđuduvvon, cealká Servodatdiehttiid oaivečálli, Gunn Elisabeth Myhren.

Servodatdiehttiid ulbmil lea duddjot dásseárvosaš ja fátmmasteaddji servodaga, dan bokte ahte láhččojuvvo bargoeallin mii fuolaha iešguđetlágan dárbbuin ja mii ii vealat ovttage čearddalaš duogáža vuođul.

Dát gáibida politihkalaš dáhtu ja juridihkalaš rámmaid, muhto lea maiddái stuorra dárbu dihtui ja máhttui, ja dahkat olbmuid dihtomielalažžan ja áššiid eahpeváralažžan.

- Sámepolitihkalaš fierpmádat sáhttá leat mielde buktimin searvái ja čállingoddái dan dieđu ja máhtu, maid mii dárbbašit go galgat bargat buoridit sámiid vuoigatvuođaid, earenoamážit bargoeallimis, dadjá Myhren.

Fierpmádagas leai vuosttas čoahkkin cuoŋománu 8., ja Raimo Valle válljejuvvui jođiheaddjin.

- Mii dovdat dutkamiid ja mii sáhttit dorjet dutkandieđuide, mat čájehit ahte sápmelaččat leat vásihan vealaheami bargosajis. Dát lea servodatváttisvuohta, dadjá Servodatdiehttiid sámepolitihkalaš fierpmádaga varrasit válljejuvvon jođiheaddji, Raimo Valle.

- Vealaheapmi ja olggušteapmi čearddalaš duogáža dihtii dáhpáhuvvá bargosajis, dat dáhpáhuvvá eaktodáhtolaš doaimmain ja dát dáhpáhuvvá akademiija siskkobealde, deattasta son.

Valle lea hui ilus, go Servodatdiehttit dán fierpmádaga bokte dovddastit, ahte dát lea servodatváttisvuohta ja ahte searvi áigu čuvgehit dáid dilálašvuođaid.

- Dán fierpmádaga bokte beassat mii giddet fuopmášumi hástalusaide ja bidjat juksanmearrin geahpedit negatiiva čuozahusaid maid dát dahká ovttaskas olbmuide ja servodahkii, cealká Valle. 

Valle jáhkká maiddái fierpmádaga sáhttit giddet fuopmášumi sámi gelbbolašvuhtii ja gelbbolašvuhtii sámi áššiin ja diliin karriearaplánemis ja bálkášiehtadallamiin.

- Fágalaččat guoskkaha sámepolitihkalaš suorgi eanaš oahpuid, mat Servodatdiehttiid miellahtuin leat, ja danne mun jáhkán iežamet fierpmádaga sáhttit veahkehit gelddolaš fágalaš digaštallamiin, mat maiddái sáhttet leat mielde nannemin servodatdiehtti-identitehta, dadjá Valle.

Servodatdiehttit leat vuođđudan Facebook-joavkku sámepolitihkalaš fierpmádaga várás, masa buot berošteaddjit ožžot searvat. Olmmoš ii dárbbaš leat sámesogalaš, juos galgá beassat oassálastit dán fierpmádatjovkui.

Nyvalgt leder i Samfunnsviternes samepolitiske nettverk, Raimo Valle.