Mii ofelastit min miellahtuid
Samfunnsviterne (Servodatdiehttit) fágasearvvi miellahtut galget loaktit bures bargosajiineaset. Sii galget diehtit ahte sii sáhttet álo oažžut veahki ja ráđi. Min miellahtut galget leat oadjebasat dainna ahte mii fuolahit sin bálká- ja bargoeavttuid ja ahte mii bargat aktiivvalaččat loktet sin bálkádási, ovddidit sin ekonomalaš beroštumiid ja fágalaš gelbbolašvuođa.
Publisert: | Sist endret:
Samfunnsviterne-fágasearvvi ulbmil lea buoridit miellahtuid bálká- ja bargoeavttuid, gozihit ja ovddidit miellahtuid ekonomalaš ja fágalaš beroštumiid.
Samfunnsviterne-fágasearvi galgá nanosmahttit demokratiija, sáni friijavuođa ja riektesihkarvuođa.
Samfunnsviterne-fágasearvi lea mielde árvoháhkamis, innovašuvnnas ja bissovaš ovdáneamis, mii fátmmasta ja vuhtii váldá birrasa, bargiid vuoigatvuođaid, dásseárvvu ja máŋggabealatvuođa, dearvvasvuođa ja birgejumi, globála vuoiggalašvuođa ja sosiála sihkarvuođa.
Samfunnsviterne-fágasearvi bearráigeahččá ahte visot doaimmat leat ehtalaččat jurddašuvvon ja ahte fágasearvvi mearrádusaid birra sáhttá ságastallat almmolašvuođas.
Samfunnsviterne-fágasearvi lea bellodatpolitihkalaččat sorjjasmeahttun fágasearvi, mii lea Akademikerne-organisašuvnna miellahttu (lenke).
(Samfunnsviterne-fágasearvvi njuolggadusaid §1 Ulbmil ja árvovuođđu)
Mii leat rámis miellahtuideamet barggus ja das ahte sin fágagelbbolašvuođas lea váikkuhus ja mearkkašupmi servodahkii ja bargoeallimii. Mii čalmmustahttit miellahduideamet servodatdieđalaš gelbbolašvuođa buot arenain, gos mii sáhttit váikkuhit. Dan bokte mii sihkkarastit ovdáneami sihke otná ja boahtte áiggi bargoeallimis.
Samfunnsviterne-fágasearvvi miellahttuvuođa vuođđun lea oahppoduogáš. Jus don leat servodatdiehtti dahje humanista masterdási alitoahpuin, de don gulat min searvái! Šatta miellahttun!